Враќање на продукт
Секој производ може да биде вратен во рок од 15 (календарски) дена од денот на купување доколку истиот не е користен, по лични причини на потрошувачот (не му одговара бојата, изгледот, бројот/ големината и т.н.) со прикажување на фискална сметка или сметка парагон (на која стои називот на фирмата, името на производот, датум на купопродажбата, цена на производот и тоа да е потврдено со печат и потпис од овластено лице), и целосната амбалажа (пакување) со кое е купен производот.
При враќање на производот потрошувачот може да одбере дали да му биде заменет производот со друг или да му бидат вратени парите.
Трошоците за враќање на производот ги сноси потрошувачот.
Испорака, прием на пратки и неподигнати нарачки
Со потврдување на нарачката преку веб-страницата www.eftino.mk и означување на полето „Го прочитав и се согласувам со условите на веб-страницата правила и политика “, купувачот потврдува дека ги прочитал, разбрал и целосно ги прифаќа овие услови. Со потврдувањето на нарачката се смета дека помеѓу купувачот и продавачот е склучен договор на далечина, согласно важечките прописи на Република Северна Македонија.
Продавачот се обврзува да ја обработи и испорача нарачката во рокот наведен на веб-страницата за конкретниот производ. Доколку за одреден производ не е наведен посебен рок за испорака, испораката ќе биде извршена без непотребно одложување, а најдоцна во рок од 30 (триесет) дена од денот на потврдување на нарачката, согласно Законот за заштита на потрошувачите.
Рокот за обработка и испорака започнува да тече од првиот нареден работен ден по денот на приемот на нарачката. Нарачките примени по 16:00 часот, како и нарачките примени во сабота, недела или на државен празник, се сметаат за примени наредниот работен ден, од кога започнува пресметката на рокот за обработка и испорака.
Објавените рокови за испорака се проценети рокови и можат да бидат продолжени поради околности кои не зависат од продавачот, вклучувајќи, но не ограничувајќи се на: доцнење од страна на курирската служба, временски непогоди, државни празници, технички проблеми, виша сила или други непредвидени околности.
Купувачот е должен да обезбеди точни и целосни податоци за достава, да биде достапен на телефонскиот број наведен во нарачката и да ја преземе пратката при првиот обид за достава или во рокот определен од курирската служба.
Доколку купувачот неоправдано одбие прием на пратката или не ја подигне пратката во рокот определен од курирската служба, а продавачот ја испратил нарачката во рокот наведен на веб-страницата и ја исполнил својата договорна обврска, се смета дека неизвршувањето на приемот е на товар на купувачот.
Во таков случај, продавачот има право, согласно членовите 251–255 од Законот за облигационите односи, да бара надомест на реално настанатата штета предизвикана од неисполнување на договорната обврска од страна на купувачот. Реално настанатата штета може да ги опфаќа трошоците за испорака, трошоците за враќање на пратката, трошоците за пакување, обработка на нарачката, административните трошоци, како и сите други непосредни трошоци што произлегле како последица од неоправданото одбивање или неподигнување на пратката.
Пред поведување на судска постапка, продавачот ќе достави писмена опомена до купувачот преку електронска пошта, SMS порака или друг доказлив начин на комуникација, со која ќе го повика доброволно да ги подмири настанатите трошоци во рок од 8 (осум) дена од денот на приемот на опомената.
Доколку купувачот не ги подмири побарувањата во наведениот рок, продавачот го задржува правото своето побарување да го остварува по судски пат пред надлежниот суд во Република Северна Македонија, во согласност со Законот за облигационите односи, Законот за парничната постапка и другите важечки прописи.
Со потврдување на нарачката, купувачот потврдува дека е запознаен со содржината на овој член, дека ги разбира правата и обврските кои произлегуваат од него и дека ги прифаќа како составен дел од договорниот однос помеѓу купувачот и продавачот.
Целосна подршка
24/7 од страна на нашиот тим.
Обезбедени плаќања
100% заштита на при плаќање со картичка. Нашите вработени никогаш нема да ги побараат Вашите информации од платежните картички (број на катичка, валидност, безбеден код на картичка, единствен број [PIN] и слично. Доколку се случи спротивното ве молиме веднаш да нѐ контактирате на нашиот телефонски број.
Ви треба Помош?
Контактирајте не на нашиот телефонски број +389 77 641 411 или на нашиот е-маил адреса info@eftino.mk за прашања поврзани со плаќања и поврат на средства.